Biznesni boshlamoqchisiz, ammo nima qilishni bilmaysizmi?

Siz o’z biznesingizni boshlamoqchisiz va buni qanday qilib amalga oshirishni bilmaysizmi? Biznesni ochish uchun qanday harakatlarni amalga oshirishni bilmaysizmi? Unda ushbu maqola aynan siz uchun!

Tadbirkorlik faoliyatini (biznesni) boshlash uchun  quyidagi harakatlarni amalga oshirishingiz zarur:

1) O‘z tumaningiz yoki shahringizdagi Davlat xizmatlari markaziga shaxsan borib yoki Intyernyet orqali  onlayn tarzda davlat ro‘yxatidan o‘tish;

2) bankda hisob raqamini ochish. Bank hisob raqamlarini ochish uchun ro‘yxatdan o‘tkazilganligi to‘g‘risidagi guvohnomaning, ta’sis hujjatlarining aslini va nusxalarini taqdim etish talab qilinmaydi;

3) nazorat-kassa mashinasini xarid qilish va uni soliq organlarida ro‘yxatdan o‘tkazish;

4) aholi bilan pul hisob-kitoblarini amalga oshirish uchun  tijorat banklaridan  hisob-kitob tyerminalini xarid qilish. Statsionar savdo shoxobchalari va ko‘chma savdo obyektlari bank plastik kartochkalaridan foydalangan holda to‘lovlarni qabul  qilish  bo‘yicha  hisob-kitob tyerminallari bilan ta’minlangan bo‘lishi lozim;

5) zarur bo‘lgan hollarda  muhandislik-kommunikatsiya tizimlariga  ulanish uchun ruxsatnoma olish;

6) xodimlarga  mehnat daftarchalari ochish, pensiya daftarchalarini rasmiylashtirish;

7) zarur bo‘lgan hollarda kerakli litseziya va ruxsatnomalarni olish;

8) O‘zbekiston Respublikasida ishlab chiqarilayotgan va respublika hududiga olib kirilayotgan tegishli mahsulot turlarini majburiy ravishda sertifikatlash;

9) egallagan faoliyat turidan kelib chiqqan holda, tegishli  idoralardan xulosalar, ma’lumotnomalar (sanitar-epidemiologiya xulosasi, yong‘in nazorati organlaridan  yong‘in xavfsizligi talablariga moslik haqidagi xulosa va boshqalar)ni olish;

10) O‘zbekiston Respublikasi Savdo-sanoat palatasiga a’zo bo‘lish. A’zolik kichik biznes va xususiy tadbirkorlik subyektlari uchun ixtiyoriy, tadbirkorlikning boshqa  subyektlari uchun majburiy hisoblanadi. Savdo-sanoat palatasiga a’zolikka kirish bo‘yicha onlayn arizani shu yerda rasmiylashtirish mumkin.

Civil.uz Yangiliklardan xabardor bo'lib turing.
Dismiss
Allow Notifications