Ishsizlik nafaqasi kimlarga va qay tartibda beriladi?

Ishsizlik nafaqasi tuman (shahar) bandlikka ko‘maklashish markazi tomonidan:

  • ishdan va ish haqidan mahrum bo‘lgan shaxsga 26 kalendar hafta davomida oyiga avvalgi ish joyidagi o‘rtacha ish haqining 50% miqdorida (202 730,00 so‘mdan kam bo‘lmasligi va o‘rtacha ish haqidan ko‘p bo‘lmasligi lozim);
  • bir yildan ortiq tanaffusdan keyin mehnat faoliyatini qayta boshlashga harakat qilayotgan shaxslarga 26 kalendar hafta davomida oyiga mutaxassisligi bo‘lsa 202 730,00 so‘m, mutaxassisligi bo‘lmasa 152 047,50 so‘m;
  • ilgari ishlamagan shaxsga 13 kalendar hafta davomida oyiga 152 047,50 so‘m miqdorida tayinlanadi.

Ishsizlik nafaqasi oluvchilarning majburiyatlari:

Ushbu talab uzrsiz sabablarga ko‘ra bajarilmaganda, ishsizlik nafaqasini to‘lash 3 oygacha muddatga to‘xtatib qo‘yilishi yoki nafaqaning miqdori kamaytirilishi mumkin.

Ishsizlik nafaqasi quyidagi hollarda to’xtatib turiladi:

  • ishsiz shaxs kasbga o‘rganish, qayta tayyorlash yoki malakasini oshirishga yuborilgan bo‘lsa, — stipendiya olib kasb o‘rganish, qayta tayyorlashdan o‘tish yoki malaka oshirish davrida;
  • ishsiz shaxs ixtisoslashtirilgan davolash-profilaktika muassasasida davolash kursini o‘tayotgan bo‘lsa, bunday muassasada bo‘lgan davrida;
  • ishsiz shaxs haq to‘lanadigan jamoat ishlarida ishtirok etayotgan bo‘lsa, bunday ishlarda ishtirok etgan davrida.

Ishsizlik nafaqasi to‘lash quyidagi hollarda bekor qilinadi:

  • shsiz shaxs ishga joylashganda;
  • ishsiz shaxs taklif qilingan maqbul keladigan ishni ikki marta rad etgan taqdirda;
  • qaramog‘ida uchtagacha kishi bo‘lgan, o‘ttiz besh yoshga to‘lmagan ishsiz erkak haq to‘lanadigan jamoat ishlarida ishtirok etishni rad etgan taqdirda;
  • ishsiz pensiya ta’minoti huquqini olgan taqdirda;
  • sudning hukmi bilan ozodlikdan mahrum etilganida;
  • ishsiz shaxs ishsizlik nafaqasini olib turgan davrda mahalliy mehnat organini xabardor qilmay vaqtincha ishga joylashgan bo‘lsa;
  • ishsizlik nafaqasini aldov yo‘li bilan olayotgan bo‘lsa;
  • ishsiz shaxs vafot etgan taqdirda.
Civil.uz Yangiliklardan xabardor bo'lib turing.
Dismiss
Allow Notifications