Jayron – Muhammad Yusuf

Share on telegram
Share on facebook
Share on twitter
Share on linkedin
Share on whatsapp
Share on odnoklassniki
Share on vk

Qon yig’latdi qaysi bag’ritosh,
Jayron, nega ko’zing to’la yosh?
Oyog’ingga qo’yib yotay bosh,
Jayron, nega ko’zing to’la yosh?..

Yurak qoning to’kilgan so’qmoq
Bag’ri alvon lolaqizg’aldoq,
Senga toshlar otdi qay gumroh,
Jayron, nega ko’zing to’la yosh?..

Zor yig’lading buncha ham hayhot,
Menda ham bor sendagi sayyod…
Ey beozor, ey mo’min jonzot,
Jayron, nega ko’zing to’la yosh?..

Bu dunyoning nokaslari bor,
Ezgulikni ko’rolmaydilar.
Meni ham qon qildilar ular,
Jayron, nega ko’zing to’la yosh?..

Labim bilan yarang silayman,
Senga dardi shifo tilayman,
Kel, tug’ishgan og’ang bo’lay man,
Jayron, nega ko’zing to’la yosh?..

Share on telegram
Share on facebook
Share on twitter
Share on linkedin
Share on whatsapp
Share on odnoklassniki
Share on vk
Scroll to Top