MCHJ alkogolli mahsulotlarni ulgurji sotishi mumkinmi?

Mas’uliyati cheklangan jamiyatlar va boshqa tashkiliy huquqiy shakldagi yuridik shaxslar alkogol mahsulotlarining ulgurji savdosi bilan shug’ullanishi mumkin emas.

O’zbekiston Respublikasi hududida ishlab chiqariladigan vino-aroq mahsulotlarini ulgurji va mayda ulgurji sotish huquqi “O’zsharobsanoat” AJ (Aksiyadorlik jamiyati) ning ixtisoslashtirilgan ulgurji savdo bazalariga beriladi. (Vazirlar mahkamasining 16.11.2001-yildagi 452-son qarori 1-bandi 3-xatboshisi)

Yuridik shaxslar spirtli ichimliklar bilan chakana savdo qilishlari mumkin. Buning uchun alkogolli mahsulotlar bilan chakana savdo qilish huquqini beradigan ruhsat guvohnomasini olish zarur. U Qoraqalpog’iston Respublikasi Vazirlar Kengashi, viloyatlar va Toshkent shahar hokimliklari huzuridagi Alkogolli mahsulotlar bilan chakana savdo qilish huquqini beradigan ruxsat guvohnomalarini berish bo’yicha Maxsus komissiya tomonidan beriladi.

Civil.uz Yangiliklardan xabardor bo'lib turing.
Dismiss
Allow Notifications