Yakka tartibdagi tadbirkor faoliyatni vaqtincha to’xtatib turish uchun qaerga murojaat etish lozim?

O’zbekiston Respublikasi Soliq kodeksining 373-moddasiga asosan, agar yakka tartibdagi tadbirkor o’z faoliyatini muayyan muddatga to’xtatsa, u o’z faoliyatini to’xtatguniga qadar tadbirkorlik sub’ektini ro’yxatdan o’tkazuvchi organga faoliyatni vaqtinchalik to’xtatish to’g’risida ariza berish bilan bir vaqtda davlat ro’yxatidan o’tganlik to’g’risidagi guvohnomani topshirishi lozim.

Bunda xodimlarni yollagan holda tadbirkorlik faoliyatini amalga oshiruvchi yakka tartibdagi tadbirkor soliq bo’yicha hisobga olish joyidagi davlat soliq xizmati organiga har bir yollangan xodim uchun belgilangan tartibda berilgan hisobga olish kartochkalarini ham belgilangan muddatlarda topshiradi.