YaTT tomonidan xodimlar qanday tartibda yollanadi?

O’zbekiston Respublikasi Vazirlar Mahkamasining 2015 yil 31 iyuldagi 219-sonli qarori bilan tasdiqlangan «Xususiy tadbirkorlar tomonidan xodim- larni yollagan holda tadbirkorlik faoliyatini amalga oshirish tartibi to’g’risida»gi Nizomga asoan, yakka tartibdagi tadbirkor yollangan xodimni hisobga qo’yish to’g’risida xodim bilan mehnat shartnomasi tuzilgan sanadan boshlab uch ish kunidan kechiktirmay soliq bo’yicha hisobga olish joyidagi davlat soliq xizmati organiga ariza taqdim etadi.

Arizaga quyidagilar ilova qilinadi:

1) yakka tartibdagi tadbirkor va xodim o’rtasida tuzilgan mehnat shartnomasining nusxasi;

2) xodimning 3×4 sm hajmdagi 2 dona fotosurati;

3) yollangan xodim pasportining nusxasi.