Shaxsiy maʼlumotlar toʻgʻrisidagi qonunga oʻzgartirishlar kiritilib, veb-sayt egalariga Oʻzbekiston fuqarolarining shaxsiy maʼlumotlarini Oʻzbekiston hududida saqlash majburiyati yuklandi.
Oʻzgartirishlarga koʻra:
Oʻzbekiston fuqarolarining shaxsiy maʼlumotlari jismoniy jihatdan Oʻzbekiston hududida joylashgan va Davlat reyestrida roʻyxatdan oʻtgan texnik vositalar yordamida qayta ishlanishi kerak;
maʼlumotlarni lokalizatsiya qilish talabi axborot texnologiyalari, shu jumladan Internet orqali maʼlumotlarni qayta ishlashga taalluqli;
maʼlumotlarni lokalizatsiya qilish, yigʻish, tizimlashtirish va saqlash talabi mulkdorda yoki operatorning zimmasida hisoblanadi.
Oʻzgartirishlar uch oy ichida — aprel oʻrtalaridan boshlab kuchga kiradi.
