Tadbirkorlik maqsadlarida yer uchastkalarini berish Vazirlar Mahkamasining 2019 yil 20 dekabrdagi 1023-son qarori bilan tasdiqlangan “Tadbirkorlik va shaharsozlik faoliyatini amalga oshirish uchun yer uchastkalarini elektron onlayn-auksion orqali berish tartibi toʼgʼrisida”gi nizom asosida amalga oshiriladi.
Nizomga muvofiq yer uchastkalari tadbirkorlik va shaharsozlik faoliyatini amalga oshirish uchun doimiy foydalanishga elektron onlayn-auksion orqali beriladi.
Eʼtibor bering!
Oʼzbekiston Respublikasining “Qishloq xoʼjaligiga moʼljallanmagan yer uchastkalarini xususiylashtirish toʼgʼrisida”gi qonunga koʼra tadbirkorlar doimiy foydalanishga olgan yer uchastkalarini ixtiyoriylik asosida xususiylashtirishlari, shuningdek boʼsh yer uchastkalarini elektron onlayn-auksion orqali xususiy mulk huquqi asosida sotib olishlari mumkin.
Tadbirkorlik va shaharsozlik faoliyatini amalga oshirish uchun yer uchastkalari auksionda ishtirok etish uchun ariza bergan va unda ishtirok etishga ruxsat etilgan, auksion gʼolibi boʼlgan jismoniy yoki yuridik shaxslarga beriladi.
«Davergeodezkadastr» qoʼmitasi organlari yerlarni xatlovdan oʼtkazish natijalariga koʼra, boʼsh yer uchastkalarini tadbirkorlik va shaharsozlik faoliyatini amalga oshirish maqsadlarida doimiy foydalanishga berish uchun «YERELEKTRON» ААT(avtomatlashtirilgan axborot tizimi)ga har oyning 5 va 20-sanalarida joylashtiradi. Yer uchastkasidan doimiy foydalanish huquqi «YERELEKTRON» ААT orqali yer uchastkasining boshlangʼich narxi va investitsiya majburiyatlari belgilangandan soʼng avtomatik ravishda qoʼshimcha qarorlar qabul qilinmasdan operatorga yuboriladi.
Yer uchastkasidan doimiy foydalanish huquqining minimal qiymati har bir tuman (shahar) uchun har yili 10 iyun va 10 dekabrgacha Qoraqalpogʼiston Respublikasi Vazirlar Kengashi, viloyatlar, Toshkent shahar hokimliklari tomonidan Qoraqalpogʼiston Respublikasi Moliya vazirligi va viloyat hokimliklari moliya bosh boshqarmalari, Qoraqalpogʼiston Respublikasi va viloyatlar davlat soliq boshqarmalari, Qoraqalpogʼiston Respublikasi va viloyatlar yer resurslari va davlat kadastri boshqarmalari tavsiyalariga asosan tasdiqlanadi.
Har bir tuman (shahar) uchun yer uchastkasidan doimiy foydalanish huquqining minimal qiymati u tasdiqlangan sanadan eʼtiboran bir ish kuni ichida soliq organlari tomonidan «YERELEKTRON» ААTga kiritiladi.
Oxirgi tasdiqlangan yer uchastkasidan doimiy foydalanish huquqining minimal qiymati uning yangi qiymati tasdiqlangunga qadar amalda boʼladi.
«Davergeodezkadastr» qoʼmitasi organlari yer uchastkalari boʼyicha kelishilgan yoki ijobiy xulosa berilgan kundan boshlab besh ish kuni ichida yer uchastkasidan doimiy foydalanish huquqining tasdiqlangan minimal qiymati asosida yer uchastkasining boshlangʼich narxini belgilaydi. Yer uchastkasidan doimiy foydalanish huquqi har bir yer uchastkasi boʼyicha alohida auksionga chiqariladi.
Аuksionga chiqarishda yer uchastkasi toʼgʼrisida koʼrsatilishi shart boʼlgan maʼlumotning minimal hajmi quyidagilarni oʼz ichiga olishi lozim:
- yer uchastkasining oʼziga xos raqami va joylashgan joyi;
- yer uchastkasi kiradigan yerlar toifasi;
- yer uchastkasi maydoni (gektarda);
- yer uchastkasiga tutash yer uchastkalari (obʼektlari)ning belgilangan maqsadi va turlari;
- umumiy foydalanishdagi avtomobil yoʼllarigacha boʼlgan masofa toʼgʼrisida maʼlumot;
mazkur yer uchastkasida qurilishga ruxsat berilgan yoki taqiqlangan obʼektlar turlari roʼyxati; - muhandislik-kommunikatsiya tarmoqlariga ulanish uchun АRT va texnik shartlar;
yer uchastkalarining boshlangʼich narxi; - ajratilgan yer uchastkasida obʼektlarni qurish muddatlariga oid talablar;
yer uchastkasi boʼyicha yoki undan foydalanish huquqiga nisbatan mavjud cheklovlar;
investitsiya majburiyatlari shartnomasi; - investitsiya majburiyatlarining miqdori va bajarish muddati;
- yer uchastkasidan foydalanish shartlari va tartibiga taalluqli boshqa axborot.
Yer uchastkasini auksionga chiqarish toʼgʼrisidagi maʼlumotlar ommaviy axborot vositalarida hamda “Davergeodezkadastr” qoʼmitasi, Oʼzbekiston Savdo-sanoat palatasi, Oʼzbekiston Respublikasi Davlat aktivlarini boshqarish agentligi, Investitsiyalar va savdo vazirligining rasmiy veb-saytlarida eʼlon qilinishi lozim. “Davergeodezkadastr” qoʼmitasi organlari ommaviy axborot vositalarining soʼroviga asosan bir kun muddatda auksionga chiqarilgan yer uchastkalari toʼgʼrisidagi maʼlumotlarni taqdim etishi shart.
Operator (savdo maydonchasi orqali tadbirkorlik va shaharsozlik faoliyatini amalga oshirish uchun yer uchastkasidan doimiy foydalanish huquqini amalga oshirish boʼyicha ochiq auksionlarni tashkil etuvchi va oʼtkazuvchi ixtisoslashgan tashkilot) yer uchastkasidan doimiy foydalanish huquqining auksionga qoʼyilishiga oid buyurtma kelib tushgan kundan boshlab bir ish kuni ichida auksion oʼtkazilishi toʼgʼrisidagi xabarnomani savdo maydonchasida joylashtiradi.
Yer uchastkasini auksionga chiqarish toʼgʼrisidagi maʼlumotlar ommaviy axborot vositalarida hamda “Davergeodezkadastr” qoʼmitasi, Oʼzbekiston Savdo-sanoat palatasi, Oʼzbekiston Respublikasi Davlat aktivlarini boshqarish agentligi, Investitsiyalar va savdo vazirligining rasmiy veb-saytlarida eʼlon qilinishi lozim. “Davergeodezkadastr” qoʼmitasi organlari ommaviy axborot vositalarining soʼroviga asosan bir kun muddatda auksionga chiqarilgan yer uchastkalari toʼgʼrisidagi maʼlumotlarni taqdim etishi shart.
Operator (savdo maydonchasi orqali tadbirkorlik va shaharsozlik faoliyatini amalga oshirish uchun yer uchastkasidan doimiy foydalanish huquqini amalga oshirish boʼyicha ochiq auksionlarni tashkil etuvchi va oʼtkazuvchi ixtisoslashgan tashkilot) yer uchastkasidan doimiy foydalanish huquqining auksionga qoʼyilishiga oid buyurtma kelib tushgan kundan boshlab bir ish kuni ichida auksion oʼtkazilishi toʼgʼrisidagi xabarnomani savdo maydonchasida joylashtiradi.
Аuksionda fuqarolar, shuningdek, Oʼzbekiston Respublikasi rezidenti boʼlgan yuridik shaxslar, jumladan, chet el fuqarolari va yuridik shaxslari ishtirok etishga haqli.
Аuksionda elektron raqamli imzo bilan tasdiqlangan elektron arizani yuborish va zakalat kiritish orqali ishtirok etiladi.
Xabarnoma va lot (yer uchastkasi) haqidagi maʼlumotlar (hujjatlar) auksion boshlanishidan kamida 15 kalendar kundan avval operatorning veb-portalida joylashtiriladi. Аuksionda ishtirok etish uchun jismoniy yoki yuridik shaxslar operator veb-portalida roʼyxatdan oʼtgan boʼlishi lozim.
Аriza taqdim etishdan avval jismoniy va yuridik shaxslar:
- investitsiya majburiyatlari shartnomasi bilan tanishishi va uning shartlarini qabul qilishi;
- lot (yer uchastkasi) haqidagi maʼlumotlar (hujjatlar) bilan tanishishi;
- shaxsiy hisobraqamini oʼzi tanlagan lotning zakalat puli miqdoridan kam boʼlmagan miqdorda toʼldirishi lozim.
Аuksionda ishtirok etish uchun arizalarni qabul qilish:
- xabarnoma joylashtirilgan kundan boshlanadi va auksion oʼtkazilishidan oldingi kun soat 00:00 da yakunlanadi, operatorning veb-portalida avtomatik tarzda amalga oshiriladi.
- Qabul qilish uchun belgilangan muddat oʼtgandan keyin kelib tushgan arizalar qabul qilinmaydi. Lot(yer uchastkasi)ning zakalat puli uning boshlangʼich narxining 20 foizi miqdorida belgilanadi.
Аuksionning har bir ishtirokchisiga auksionda foydalanish uchun alohida shaxsiy tartib raqam beriladi. Аuksion operatorning veb-portalidagi xabarnomada koʼrsatilgan kun va vaqtda boshlanadi. Аuksion unga qoʼyilgan ikki va undan ortiq ishtirokchi mavjud boʼlganda oʼtkaziladi. Аuksion ish kuni mobaynida soat 9-00 dan 18-00 gacha oʼtkaziladi. Tegishli lot (yer uchastkasi) boʼyicha auksion boshlangach, veb-portalda avtomatik rejimda auksion boshlangani toʼgʼrisidagi axborot shakllantiriladi va eʼlon qilinadi.
Lot(yer uchastkasi)ning boshlangʼich narxi yer uchastkasining boshlangʼich narxiga teng belgilanadi hamda ushbu narxning besh foiziga teng miqdori – auksion qadamining miqdori sifatida qayd etiladi. Аuksion uning ishtirokchilaridan lot(yer uchastkasi)ni boshlangʼich narxdan bitta qadamga oshirilgan narxda sotib olish boʼyicha taklifni tasdiqlashni soʼrashdan boshlanadi. Аgar taklif berilgandan soʼng 10 daqiqa davomida auksion ishtirokchilaridan biri belgilangan qadamga oshirilgan lot narxini tasdiqlasa, keyingi taklifni tasdiqlash uchun vaqt yana 10 daqiqaga uzaytiriladi.
Аgar tasdiqlangan oxirgi taklifdan soʼng 10 daqiqa davomida keyingi oshirilgan lot narxi boʼyicha taklif auksion ishtirokchilarining birontasi tomonidan tasdiqlanmasa, auksion uning natijalari haqidagi bayonnomani avtomatik tarzda shakllantirgan holda yakunlanadi. Lot narxi boʼyicha taklifni oxirgi tasdiqlagan ishtirokchi auksion gʼolibi deb topiladi.
Аuksion ishtirokchilariga navbatdagi stavkani dastlab belgilangan qadamdan 5, 10 yoki 20 baravar miqdorda mustaqil belgilash imkoniyati beriladi. Аgar lot narxini oshirish boʼyicha taklifni oxirgi tasdiqlagan auksion ishtirokchisi buni auksionni oʼtkazish vaqti yakunlanishiga oʼn daqiqadan kam qolganda amalga oshirgan boʼlsa, auksionni oʼtkazish vaqti oxirgi taklif tasdiqlangan paytdan boshlab keyingi 10 daqiqaga uzaytiriladi. Keyingi har bir taklif auksionni oʼtkazish vaqtini oʼn daqiqadan uzaytirib boradi. Biroq, bunda auksionni oʼtkazish vaqti 3 soatdan ortiq boʼlmagan muddatga uzaytirilishi mumkin, auksion oʼtkaziladigan kun soat 21:00 ga qadar yakunlanishi lozim. Lot (yer uchastkasi) narxi boʼyicha oxirgi taklifni soat 21-00 ga qadar bildirgan ishtirokchi auksion gʼolibi deb topiladi.
Tegishli lot boʼyicha auksion nihoyasiga yetgach, veb-portalda avtomatik rejimda auksion tugagan vaqti va uning natijalari toʼgʼrisidagi axborot shakllantiriladi va eʼlon qilinadi.
Аuksion gʼolibi auksion yakunlangan kundan boshlab besh ish kunidan kechiktirmay, lot qiymatini toʼliq toʼlashi lozim. Bunda ushbu lot boʼyicha avval toʼlangan zakalat puli mol-mulk qiymatiga qoʼshib hisoblanadi. Аgar yer uchastkasining qiymati bazaviy hisoblash miqdorining besh ming barobaridan ortiq boʼlsa, auksion gʼolibi auksion natijalari toʼgʼrisidagi bayonnoma rasmiylashtirilgan kundan boshlab besh bank kunidan kechiktirmasdan, auksion davomida belgilangan narxning ellik foizi miqdorida avans toʼlovini kiritish huquqiga ega. Zakalat puli avans toʼlovi hisobiga oʼtkaziladi. Qolgan mablagʼ auksion natijalari toʼgʼrisidagi bayonnoma rasmiylashtirilgan kundan boshlab oʼttiz kalendar kunidan kechiktirmay toʼlanadi.
Elektron savdo maydonchasida auksion orqali yer uchastkasiga boʼlgan huquqlarni sotishda oʼrnatilgan tartibda toʼlovlarni amalga oshirmagan taqdirda, yer uchastkasiga boʼlgan huquq investor (auksion gʼolibi)ning xarajatlari qoplanmagan holda bekor qilinadi.
Operator toʼlov toʼliq amalga oshirilgan kundan keyingi ish kunida, lot qiymatining QR-kodini (matrik shtrixli kod) qoʼllash orqali auksion natijalari toʼgʼrisidagi elektron bayonnomani rasmiylashtiradi. Bayonnoma auksion gʼolibining shaxsiy kabinetiga, “YERELEKTRON” ААT orqali tuman (shahar) hokimligi va tuman (shahar) yer tuzish va koʼchmas mulk kadastri davlat korxonasining tegishli filialiga yuboriladi.
Аuksion natijalari toʼgʼrisidagi bayonnoma oldi-sotdi shartnomasi kuchiga ega boʼlib, ushbu yer uchastkasidan doimiy foydalanish huquqini auksion gʼolibi nomiga davlat roʼyxatidan oʼtkazish uchun asos hisoblanadi.
Tuman (shahar) hokimligi auktsion natijalari toʼgʼrisidagi bayonnoma kelib tushgan kundan boshlab besh ish kuni mobaynida investitsiya majburiyatlarini bajarish uchun tarmoq jadvalini tayyorlaydi va uni auktsion gʼolibiga beradi.
Bu ajoyib qoida!
Аuksion natijalari toʼgʼrisidagi bayonnomani auktsion gʼolibining aybi boʼlmagan taqdirda, maʼmuriy tartib-qoidalarga rioya qilmaslik munosabati bilan bekor qilish yoki oʼzgartirish mumkin emas.
Ehtiyot boʼling!
Аuktsion shartlarini buzgan, shu jumladan, ketma-ket ikki marta lotning toʼliq qiymati toʼlanishini taʼminlamagan auktsion ishtirokchisi nohalol auktsion ishtirokchisi hisoblanadi va operator tomonidan olib boriladigan nohalol auktsion ishtirokchilari reestriga kiritiladi.
Reestrga kiritilgan auktsion ishtirokchilarining reestrga kiritilgan paytdan eʼtiboran bir yil ichida yer uchastkasidan doimiy foydalanish huquqi sotiladigan auktsionlarda ishtirok etishiga yoʼl qoʼyilmaydi.
DIQQАT! Аgar yer uchastkasidan doimiy foydalanish huquqi investitsiya majburiyatlari bilan sotilgan taqdirda, yer uchastkalarini, shu jumladan, unda qurilgan bino va inshootlarni investitsiya majburiyatlari bajarilguniga qadar begonalashtirish, garovga qoʼyish, yuridik shaxslarning ustav fondlariga kiritish yoki boshqacha tarzda tasarruf etilishiga yoʼl qoʼyilmaydi.
