Bosh sahifa / Ma'muriy huquq / Turar joylar qanday hollardda egasiz deb topiladi va davlatga o’tkaziladi?

Turar joylar qanday hollardda egasiz deb topiladi va davlatga o’tkaziladi?

6 oydan ko‘proq bo‘sh turgan, hech kim yashamaydigan va quyidagi holatlar mavjud uy-joylar egasiz deb hisoblanadi:

  • bo‘sh turgan ushbu davr uchun kommunal xizmatlar haqi hamda turar joyni saqlash uchun xarajatlar bo‘yicha qarzlar mavjudligi.
  • turar joyning butunligi va saqlanishi ta’minlanmaganligi, buning oqibatida turar joyning buzilishiga va unga uchinchi shaxslarning kirish urinishlariga yo‘l qo‘yilganligi.

Turar joylarni quyidagi hollarda egasiz deb topib hisobga olishga yo‘l qo‘yilmaydi:

  • turar joy egasi ozodlikdan mahrum etish joylarida jazoni o‘tayotganda;
  • turar joy egasi davolanish, o‘qish, mehnat faoliyati munosabati bilan O‘zbekiston Respublikasi tashqarisiga chiqib ketganda;
  • turar joy egasi Qurolli Kuchlar saflarida muddatli harbiy xizmatni o‘tayotganda;
  • turar joy egasi O‘zbekiston tibbiyot muassasalarida uzoq muddat davolanayotganda.

Egasiz turar joylar hisobga qo‘yilgan kundan boshlab uch yillik muddat tugagandan keyin sud qaroriga asosan davlat mulkiga o‘tkaziladi.

Egasiz turar joylarni aniqlash bilan bog‘liq ishlar tuman hokimligi tomonidan amalga oshiriladi.

 

Vazirlar Mahkamasining
Egasiz turar joylarni aniqlash, ularni hisobga olish va davlat mulkiga o’tkazish tartibi
to’g’risida NIZOM

Civil.uz | Yuridik maslahatlar

Bizni telegramda kuzatib boring!

Obuna
Bekor qilish