Yolg’onchilar – Muhammad Yusuf

Share on telegram
Share on facebook
Share on twitter
Share on linkedin
Share on whatsapp
Share on odnoklassniki
Share on vk

Suluvlardan suluv bir qiz sochim silar,
Mening esa ko’zlarimdan yosh tomchilar.
Sevaman deb aldar meni yolg’onchilar,
Yuragimni yo’lbarslarga yediraman.

Bag’ri-dilim kuydiradi yolg’onlari,
Yonlariga chorlar mohi tobonlari.
Bo’lsam agar men bitta qurbonlari,
Yuragimni yo’lbarslarga yediraman.

Ko’hna dunyo, bu qizlaring buncha go’zal,
Qarab tursam, ko’klarda oy-kuncha go’zal.
Qancha go’zal bo’lsa, aldar shuncha go’zal!..
Yuragimni yo’lbarslarga yediraman.

Hozir ko’zim yumamanu yerga yotib,
Yuragimni sug’uraman qon yig’latib.
Yo’lbarschalar yesin uni kasirlatib —
Yuragimni yo’lbarslarga yediraman.

Kimni suysam suyganimdan kuygan dilim,
Ko’z o’ngimda bo’laqolsin tilim-tilim.
Harom bo’lsin muhabbatsiz ko’rgan kunim,
Yuragimni yo’lbarslarga yediraman!..

Share on telegram
Share on facebook
Share on twitter
Share on linkedin
Share on whatsapp
Share on odnoklassniki
Share on vk
Scroll to Top