Aholini ijtimoiy himoya qilish sohasida masʼul boʻlgan yagona organ tuziladi

Share on telegram
Ulashing
Share on facebook
Ulashing
Aholini ijtimoiy himoya qilish sohasida masʼul boʻlgan yagona organ tuziladi

Prezident farmoyishi bilan 2021–2030-yillarda aholini ijtimoiy himoya qilish milliy strategiyasi konsepsiyasi tasdiqlandi.

Konsepsiya, jumladan, quyidagi chora-tadbirlarni oʻz ichiga oladi:

➖ asosiy turdagi oziq-ovqat mahsulotlari, taʼlim, parvarish va boshqa zarur boʻlgan mahsulotlar va xizmatlar olishga imkoniyati boʻlmagan bolalarga koʻmaklashish;

➖ kasallik, ishsizlik, onalik va nogironlik kabi holatlar tufayli oʻzini oʻzi taʼminlash masalalarini toʻliq hal qila olmaydigan mehnatga layoqatli fuqarolarni kafolatlangan daromadlar bilan taʼminlash;

➖ keksa yoshdagi fuqarolarni kafolatlangan daromad bilan taʼminlash;

➖ ijtimoiy sugʻurta tizimini joriy etish.

Shunga koʻra, konsepsiya doirasida quyidagilarni amalga oshirish rejalashtirilgan:

● aholini ijtimoiy himoya qilish sohasida davlat siyosatini amalga oshirish uchun masʼul boʻlgan yagona organni belgilash;

● olis va chekka hududlarda birlamchi va ixtisoslashgan tibbiy yordam koʻrsatish va ehtiyojmand aholi uchun skrining va davolash tadbirlariga xususiy shifoxonalar jalb etish va ularga subsidiya ajratish;

● chin yetim yoshlarni uy-joy bilan taʼminlash, boshpanasiz qolgan, ogʻir turmush sharoitiga tushib qolgan oilalar va shaxslarni mulk huquqi berilmagan holda joylashtirish uchun mahalliy hokimliklar tomonidan uy-joylarni sotib olish tartibini joriy etish;

● tadbirkorlik va oʻzini-oʻzi band qilish faoliyatini boshlamoqchi boʻlgan ishsiz, ayniqsa “Temir daftar”, “Ayollar daftari” va “Yoshlar daftari”ga kiritilgan fuqarolarga faoliyatini boshlash uchun kerak boʻlgan asbob-uskuna, mehnat qurollari xarid qilish uchun subsidiyalar berish;

● bolalarning huquq va manfaatlarini himoya qilish samaradorligini yangi bosqichga olib chiqishda inson huquqlarini himoya qilishning yagona milliy tizimini saqlagan holda Bolalar Ombudsmani faoliyatini tashkil etish;

● imkoniyati cheklangan bolalar uchun maktabgacha taʼlimni uyda berish modelini joriy qilish.

2025-yilga qadar Sogʻliqni saqlash vazirligi huzuridagi Tibbiy-ijtimoiy xizmatlar agentligi negizida tuman (shahar)lar miqyosida Aholini ijtimoiy qoʻllab-quvvatlash markazlari tashkil etiladi.

Davlat byudjetining aholini ijtimoiy himoyasiga xarajatlari ichki yalpi mahsulotga nisbatan 2019-yilgi 1 foizdan 2030-yilda 1,5 foizga yetkaziladi.

Mavzuga aloqador

Yuridik maslahat portali.

Scroll to Top