Oʻzbekiston Respublikasi Prezidentining “Yangi Oʻzbekiston” universitetini tashkil etish toʻgʻrisida”gi qarori qabul qilindi.
Unga koʻra, Toshkent shahrida “Yangi Oʻzbekiston” universiteti tashkil etildi.
Belgilanishicha:
Universitet davlat oliy taʼlim muassasasi hisoblanadi;
Universitetda taʼlim jarayoni nufuzli xorijiy oliy taʼlim muassasalari bilan hamkorlikda tashkil etiladi;
Universitetni tamomlagan Oʻzbekiston Respublikasi fuqarolari Davlat xizmatini rivojlantirish agentligi tomonidan Milliy kadrlar zaxirasiga olinadi hamda 5 yillik ish tajribasidan soʻng rahbarlik lavozimiga tayinlanadigan istiqbolli nomzodlar roʻyxatiga kiritiladi;
Universitet Oʻzbekiston Respublikasi Davlat gerbi tasviri va davlat tilida nomi tushirilgan muhr, bank hisobvaraqlari, shtamp va boshqa rekvizitlariga ega boʻladi.
