Bosh sahifa / Davlat boji stavkalari / Notarial harakatlar uchun undiriladigan davlat boji miqdorlari

Notarial harakatlar uchun undiriladigan davlat boji miqdorlari

  1. Ko‘chmas mol-mulkni boshqa shaxsga o‘tkazish bilan bog‘liq shartnomalarni tasdiqlaganlik uchun
  2. Toshkent shahri va Toshkent viloyatida yangi qurilgan ko‘chmas mol-mulkni oldi-sotdi shartnomalarini tasdiqlaganlik uchun
  3. Ko‘chmas mol-mulkni xarid qilingan kundan boshlab uch yil mobaynida boshqa shaxsga o‘tkazish bilan bog‘liq shartnomalarni tasdiqlaganlik uchun
  4. Mol-mulkni ijaraga berish shartnomasini tasdiqlaganlik yoki unga o‘zgartirishlar kiritganlik uchun
  5. Mol-mulkdan tekin foydalanish shartnomalarini tasdiqlaganlik uchun
  6. Garov, ipoteka va lizing shartnomalarini tasdiqlaganlik hamda ularga o‘zgartirish va qo‘shimchalar kiritganlik uchun
  7. Banklar bilan qarz oluvchilarning kredit bo‘yicha qarzdorlikni qarzdorning likvidli mol-mulki hisobiga qaytarish to‘g‘risidagi yozma bitimlarini (shartnomalarini) tasdiqlaganlik uchun
  8. Qarz shartnomalarini tasdiqlaganlik uchun
  9. Kafillik shartnomalarini tasdiqlaganlik, unga o‘zgartirishlar kiritganlik yoki bekor qilganlik uchun
  10. Korxonani boshqa shaxsga o‘tkazish shartnomalarni tasdiqlaganlik uchun
  11. Vasiyatnomalarni tasdiqlaganlik uchun
  12. Merosga bo‘lgan huquq to‘g‘risida guvohnoma berganlik uchun
  13. Er-xotinning umumiy mol-mulkidagi ulushga bo‘lgan mulk huquqi to‘g‘risidagi guvohnoma berganlik uchun
  14. Avtomototransport vositalarini boshqa shaxsga o‘tkazish shartnomalarini tasdiqlaganlik uchun
  15. Avtomototransport vositalarini boshqarish va tasarruf qilish huquqini beruvchi ishonchnomalarni va avtomototransport vositalaridan tekin foydalanish shartnomalarini tasdiqlaganlik uchun
  16. Ko‘chmas mol-mulkni tasarruf etish huquqini beruvchi ishonchnomalarni tasdiqlaganlik uchun
  17. Boshqa ishonchnomalarni tasdiqlaganlik uchun
  18. Meros mulkni muhofaza qilish choralarini ko‘rganlik uchun
  19. Hujjatning bir tildan boshqa tilga qilingan tarjimasining to‘g‘riligini shahodatlash uchun
  20. Ijro xatlari yozib berganlik uchun
  21. Hujjatlarning nusxalari va ulardan ko‘chirmalarning to‘g‘riligini shahodatlash uchun
  22. Hujjatlardagi imzolarning haqiqiyligini, shu jumladan tarjimon imzosining haqiqiyligini shahodatlash uchun
  23. Notarial idoralarda mavjud bo‘lgan hujjatlarning nusxalarini va dublikatlarini berganlik uchun
  24. Banklarda hisob raqamlari ochishda imzolarning haqiqiyligini shahodatlash uchun
  25. Yuridik va jismoniy shaxslarning arizalari boshqa yuridik va jismoniy shaxslarga berilganligi hamda boshqa notarial harakatlar bajarilganligi uchun
  26. Boshqa turdagi shartnomalarni tasdiqlaganlik uchun

«DAVLAT BOJI STAVKALARI HAQIDA» O‘ZBEKISTON RESPUBLIKASI VAZIRLAR MAHKAMASINING
QARORIGA MUVOFIQ

Notariuslar notarial harakatlarni amalga oshirganliklari uchun quyidagi miqdorlarda davlat boji undiradi:
ko‘chmas mol-mulkni boshqa shaxsga o‘tkazish bilan bog‘liq shartnomalarni tasdiqlaganlik uchun davlat boji quyidagi miqdorlarda undiriladi, ushbu bandning «b» va «v» kichik bandlarida nazarda tutilgan holatlar bundan mustasno:
Ko‘chmas mol-mulk joylashgan joy
Ko‘chmas mol-mulkning umumiy maydoniga qarab:
100 kv.m gacha bo‘lganda 100 kv.m dan 200 kv.m. gacha bo‘lganda 200 kv.m va undan ortiq bo‘lganda
Toshkent, Nukus shaharlari va viloyat markazlari eng kam oylik ish haqining 1 baravari miqdorida eng kam oylik ish haqining 2 baravari miqdorida eng kam oylik ish haqining 3 baravari miqdorida
boshqa aholi punktlari eng kam oylik ish haqining 50 foizi miqdorida eng kam oylik ish haqining 1 baravari miqdorida eng kam oylik ish haqining 1,5 baravari miqdorida
Izoh. Mulkdorning xotiniga (eriga), uning va xotinining (erining) ota-onalariga, bolalari va ularning er-xotinlariga, nabiralariga, buvilariga, buvalariga, aka-ukalari va opa-singillariga ko‘chmas mol-mulkni o‘tkazish bilan bog‘liq shartnomalar rasmiylashtirilayotganda davlat boji belgilangan stavkaning 50 foizi miqdorida undiriladi;
b) Toshkent shahri va Toshkent viloyatida yangi qurilgan ko‘chmas mol-mulkni oldi-sotdi shartnomalarini tasdiqlaganlik uchun:
O‘zbekiston Respublikasida doimiy yashovchi va respublikaning boshqa mintaqalarida doimiy propiskaga ega bo‘lgan jismoniy shaxslar tomonidan ko‘chmas mol-mulk sotib olinganda — shartnoma summasining 5 foizi, ammo eng kam oylik ish haqining kamida 10 baravari miqdorida;
Toshkent shahri va Toshkent viloyatiga boshqa davlatlardan kelgan va O‘zbekiston Respublikasida yashash guvohnomasiga ega bo‘lgan chet el fuqarolari va fuqaroligi bo‘lmagan shaxslar tomonidan 600 mln. so‘mdan kam bo‘lmagan miqdorida yangi qurilgan ko‘chmas mol-mulk sotib olinganda — shartnoma summasining 10 foizi miqdorida;
v) ushbu bandning «b» kichik bandiga muvofiq davlat boji to‘lab sotib olingan ko‘chmas mol-mulkni xarid qilingan kundan boshlab uch yil mobaynida boshqa shaxsga o‘tkazish bilan bog‘liq shartnomalarni tasdiqlaganlik uchun eng kam oylik ish haqining 400 baravari miqdorida davlat boji undiriladi;
g) mol-mulkni ijaraga berish shartnomasini tasdiqlaganlik yoki unga o‘zgartirishlar kiritganlik uchun:
mulkdorning xotiniga (eriga), uning va xotinining (erining) ota-onalariga, bolalari va ularning er-xotinlariga, nabiralariga, buvilariga, buvalariga, aka-ukalari va opa-singillariga tasdiqlaganlik uchun — eng kam oylik ish haqining 50 foizi miqdorida;
jismoniy shaxslar uchun — eng kam oylik ish haqining 1 baravari miqdorida;
yuridik shaxslar uchun yoki taraflardan biri yuridik shaxs bo‘lganda — eng kam oylik ish haqining 2 baravari miqdorida;
Izoh. Mol-mulkni ijaraga berish shartnomasini bekor qilganlik uchun davlat boji belgilangan stavkaning 50 foizi miqdorida undiriladi;
d) mol-mulkdan tekin foydalanish shartnomalarini tasdiqlaganlik uchun, ushbu bandning «r» kichik bandida belgilangan hollar bundan mustasno, — eng kam oylik ish haqining 50 foizi miqdorida;
e) garov, ipoteka va lizing shartnomalarini tasdiqlaganlik hamda ularga o‘zgartirish va qo‘shimchalar kiritganlik uchun davlat boji quyidagi miqdorlarda undiriladi:
Bitim ishtirokchilari (taraflari)  Shartnoma summasiga qarab:
Eng kam oylik ish haqining 1000 baravarigacha Eng kam oylik ish haqining 
1000 baravaridan 5000 baravarigacha
Eng kam oylik ish haqining 
5000 baravari va undan ortiq bo‘lganda
jismoniy shaxslar uchun eng kam oylik ish haqining 1 baravari miqdorida eng kam oylik ish haqining 1,5 baravari miqdorida eng kam oylik ish haqining 2 baravari miqdorida
yuridik shaxslar uchun eng kam oylik ish haqining 2 baravari miqdorida eng kam oylik ish haqining 3 baravari miqdorida eng kam oylik ish haqining 4 baravari miqdorida

Izoh. Garov, ipoteka va lizing shartnomalariga o‘zgartirish va qo‘shimchalar kiritish haqidagi bitimlar rasmiylashtirilayotganda, davlat boji belgilangan stavkaning 50 foizi miqdorida undiriladi;

j) banklar bilan qarz oluvchilarning kredit bo‘yicha qarzdorlikni qarzdorning likvidli mol-mulki hisobiga qaytarish to‘g‘risidagi yozma bitimlarini (shartnomalarini) tasdiqlaganlik uchun — eng kam oylik ish haqining 50 foizi miqdorida;
z) qarz shartnomalarini tasdiqlaganlik uchun:

Izoh. Qarz shartnomalariga o‘zgartirishlar kiritganlik yoki uni bekor qilganlik uchun davlat boji belgilangan stavkaning 50 foizi miqdorida undiriladi;

Shartnoma summasiga qarab
Eng kam oylik ish haqining 100 barabarigacha Eng kam oylik ish haqining 100 baravaridan 300 baravarigacha Eng kam oylik ish haqining 300 baravari va undan ortiq bo‘lganda
eng kam oylik ish haqining 25 foizi miqdorida eng kam oylik ish haqining 50 foizi miqdorida eng kam oylik ish haqining 1 baravari miqdorida

i) kafillik shartnomalarini tasdiqlaganlik, unga o‘zgartirishlar kiritganlik yoki bekor qilganlik uchun:
jismoniy shaxslar uchun — eng kam oylik ish haqining 25 foizi miqdorida;
yuridik shaxslar uchun yoki taraflardan biri yuridik shaxs bo‘lganda — eng kam oylik ish haqining 50 foizi miqdorida;
k) korxonani boshqa shaxsga o‘tkazish shartnomalarni tasdiqlaganlik uchun — eng kam oylik ish haqining 1 baravari miqdorida;
m) vasiyatnomalarni tasdiqlaganlik uchun — eng kam oylik ish haqining 5 foizi miqdorida;
n) merosga bo‘lgan huquq to‘g‘risida guvohnoma berganlik uchun:
meros mol-mulki ko‘chmas mulk yoki avtomototransport vositasi bo‘lganda (har biri uchun) — eng kam oylik ish haqining 50 foizi miqdorida;
boshqa barcha mol-mulklar uchun — eng kam oylik ish haqining 30 foizi miqdorida;
o) er-xotinning umumiy mol-mulkidagi ulushga bo‘lgan mulk huquqi to‘g‘risidagi guvohnoma berganlik uchun — eng kam oylik ish haqining 50 foizi miqdorida;
p) avtomototransport vositalarini boshqa shaxsga o‘tkazish shartnomalarini tasdiqlaganlik uchun davlat boji quyidagi miqdorlarda undiriladi:

Transport vositasining dvigatel quvvati bo‘yicha  Ishlab chiqarilgan muddatiga qarab:
3 yilgacha bo‘lganda 3 yildan 7 yilgacha bo‘lganda 7 yil va undan ortiq bo‘lganda
60 ot kuchigacha bo‘lganda eng kam oylik ish haqining
4 baravari miqdorida
eng kam oylik ish haqining 3 baravari miqdorida eng kam oylik
ish haqining 2 baravari miqdorida
60 ot kuchidan
110 ot kuchigacha bo‘lganda
eng kam oylik ish haqining
6 baravari miqdorida
eng kam oylik ish haqining 4 baravari miqdorida eng kam oylik
ish haqining 3 baravari miqdorida
110 ot kuchidan yuqori bo‘lganda eng kam oylik ish haqining
10 baravari miqdorida
eng kam oylik ish haqining 8 baravari miqdorida eng kam oylik
ish haqining 5 baravari miqdorida
bitta mototransport, motokolyaska, motoqayiq uchun eng kam oylik ish haqining
50 foizi miqdorida
eng kam oylik ish haqining 25 foizi miqdorida
eng kam oylik
ish haqining 10 foizi miqdorida

Izoh. Ayirboshlash shartnomasini rasmiylashtirishda davlat boji shu bojning ko‘p summasi olinadigan faqat bir avtomototransport vositasidan undiriladi.
Quyidagi shartnomalarni rasmiylashtirishda:
mulkdorning xotiniga (eriga), uning va xotinining (erining) ota-onalariga, bolalari va ularning er-xotinlariga, nabiralariga, buvilariga, buvalariga, aka-ukalari va opa-singillariga avtomototransport vositalarini o‘tkazish shartnomalari rasmiylashtirilayotganda davlat boji belgilangan stavkaning 5 foizi miqdorida undiriladi;
bank kreditlari hisobiga sotib olinadigan avtomototransport vositalarining oldi-sotdisi uchun davlat boji belgilangan stavkaning 10 foizi miqdorida undiriladi;
yo‘l-transport hodisasi natijasida shikastlangan avtomototransport vositalarini boshqa shaxsga o‘tkazish shartnomalari rasmiylashtirilayotganda davlat boji miqdori shu transport vositalari yaroqliligining qoldiq foiziga qarab o‘zgartiriladi hamda uning miqdori bitim taraflarining xohishiga ko‘ra va notariusning topshirig‘iga binoan O‘zbekiston Respublikasi Adliya vazirligining sud-ekspertiza muassasalari mutaxassislari, bunday muassasalar bo‘lmagan hududlarda esa — «O‘zavtotexxizmat» mas’uliyati cheklangan jamiyati tashkilotlari tomonidan belgilanadi;

r) avtomototransport vositalarini boshqarish va tasarruf qilish huquqini beruvchi ishonchnomalarni va avtomototransport vositalaridan tekin foydalanish shartnomalarini tasdiqlaganlik uchun:
mulkdorning xotiniga (eriga), uning va xotinining (erining) ota-onalariga, bolalari va ularning er-xotinlariga, nabiralariga, buvilariga, buvalariga, aka-ukalari va opa-singillariga, jiyanlariga — eng kam oylik ish haqining 50 foizi miqdorida;
boshqa shaxslarga — eng kam oylik ish haqining 3 baravari miqdorida;
s) ko‘chmas mol-mulkni tasarruf etish huquqini beruvchi ishonchnomalarni tasdiqlaganlik uchun:
mulkdorning xotiniga (eriga), uning va xotinining (erining) ota-onalariga, bolalari va ularning er-xotinlariga, nabiralariga, buvilariga, buvalariga, aka-ukalari va opa-singillariga — eng kam oylik ish haqining 25 foizi miqdorida;
boshqa shaxslarga — eng kam oylik ish haqining 50 foizi miqdorida;
t) boshqa ishonchnomalarni tasdiqlaganlik uchun — eng kam oylik ish haqining 10 foizi miqdorida;
u) meros mulkni muhofaza qilish choralarini ko‘rganlik uchun — eng kam oylik ish haqining 30 foizi miqdorida;
f) hujjatning bir tildan boshqa tilga qilingan tarjimasining to‘g‘riligini shahodatlash uchun — har bir bet uchun eng kam oylik ish haqining 1 foizi miqdorida;
x) ijro xatlari yozib berganlik uchun — undiriladigan summaning 1 foizi miqdorida, biroq eng kam oylik ish haqining 10 baravaridan ortiq bo‘lmagan miqdorda;
Izoh. Lizing ob’ektining lizing beruvchi talabi bo‘yicha ijro xatlari yozib berishda, lizing shartnomasida belgilangan to‘lanmagan to‘lovlar summasidan lizing shartnomasi muddati tugashigacha qolgan davrga lizing beruvchi daromadini chegirgan holda davlat boji undiriladi.
ch) hujjatlarning nusxalari va ulardan ko‘chirmalarning to‘g‘riligini shahodatlash uchun:
jismoniy shaxslar uchun — har bir bet uchun eng kam oylik ish haqining 1 foizi miqdorida;
yuridik shaxslar uchun — har bir bet uchun eng kam oylik ish haqining 2 foizi miqdorida;
shu ishlarni chet mamlakatda bajarganlik uchun — har bir bet uchun eng kam oylik ish haqining 5 foizi miqdorida;
sh) hujjatlardagi imzolarning haqiqiyligini, shu jumladan tarjimon imzosining haqiqiyligini shahodatlash uchun:
jismoniy shaxslar uchun — eng kam oylik ish haqining 5 foizi miqdorida;
yuridik shaxslar uchun — eng kam oylik ish haqining 20 foizi miqdorida;
e) notarial idoralarda mavjud bo‘lgan hujjatlarning nusxalarini va dublikatlarini berganlik uchun — eng kam oylik ish haqining 5 foizi miqdorida;
yu) banklarda hisob raqamlari ochishda imzolarning haqiqiyligini shahodatlash uchun — eng kam oylik ish haqining 2 foizi miqdorida;
ya) yuridik va jismoniy shaxslarning arizalari boshqa yuridik va jismoniy shaxslarga berilganligi hamda boshqa notarial harakatlar bajarilganligi uchun, mazkur bandning «a» — «yu» kichik bandlarida nazarda tutilganlar bundan mustasno, — eng kam oylik ish haqining 10 foizi miqdorida;
ya1) boshqa turdagi shartnomalarni tasdiqlaganlik uchun, mazkur bandning «a» — «yu» kichik bandlarida nazarda tutilganlar bundan mustasno:
jismoniy shaxslar uchun — eng kam oylik ish haqining 50 foizi miqdorida;
yuridik shaxslar yoki taraflardan biri yuridik shaxs bo‘lganda uchun — eng kam oylik ish haqining 1 baravari miqdorida;
Izoh. Davlat notarial idorasi binosidan tashqarida amalga oshiriladigan notarial harakatlar uchun davlat boji ikki baravar miqdorda undiriladi, bundan fuqarolarning o‘zini o‘zi boshqarish organlari binolarida notariuslarning sayyor qabullari chog‘ida amalga oshiriladigan notarial harakatlar, shuningdek ozodlikdan mahrum qilish joylaridagi yoki qamoqda saqlanayotgan shaxslarning ishonchnomalarini notarial tartibda tasdiqlash mustasno, ushbu harakatlarni bajarish uchun joyga borish bilan bog‘liq amalda sarflangan xarajatlar to‘lanadi.
Nikoh shartnomasini va aliment to‘lash haqida kelishuvni notarial tasdiqlash, ularga o‘zgartirishlar kiritish yoki bekor qilish hamda mol-mulkni o‘zga shaxsga o‘tkazishni taqiqlab qo‘yish va taqiqni bekor qilishda davlat boji undirilmaydi.

Fikr bildirish