Muhabbat – Muhammad Yusuf

Share on telegram
Share on facebook
Share on twitter
Share on linkedin
Share on whatsapp
Share on odnoklassniki
Share on vk

Muhabbat, ey go’zal iztirob,
Ey ko’hna dard, ey ko’hna tuyg’u.
Ko’kragimga qo’lingni tirab,
Yuragimni to’kib qo’yding-ku.

Qancha ko’zlar menga zor edi,
Na g’am, na anduhim bor edi.
Qushday yengil ruhim bor edi,
Chok-chokidan so’kib qo’yding-ku.

Ne qilarding menga tegib sen,
Yengilmagan edim — yengib sen,
Boshlarimni yerga egib sen,
Qomatimni bukib qo’yding-ku.

Sen men uchun bir xayol eding,
Yaxshi bor yo yaxshi qol eding.
Jon kerakmi — mana ol endi,
Qiynar bo’lsang qiynab to’yding-ku.

Bilmam, nima edi maqsading:
Menga bir juft guling asrading,
Birin otin Kumush atading,
Birin ismin Zaynab qo’yding-ku.

Muhabbat, ey go’zal iztirob,
Ko’chang kezdim sarson, dovdirab, Yuzlarimga yuzlaring tirab,
Ko’zlarimni boylab qo’yding-ku!..

Share on telegram
Share on facebook
Share on twitter
Share on linkedin
Share on whatsapp
Share on odnoklassniki
Share on vk
Scroll to Top